ព្រះសីហនុ៖ នាយករដ្ឋមន្ត្រីសម្ដេចធិបតីហ៊ុនម៉ាណែតបានបញ្ជាឲ្យបិទទីលានបាញ់កាំភ្លើងឯកជនទាំងអស់នៅក្នុងខេត្តព្រះសីហនុ ដោយជំរុញឲ្យអ្នកទេសចរណ៍មកកាន់ខេត្តនេះធ្វើដំណើរកម្សាន្តតាមទីតាំងទេសចរណ៍នានាក្នុងខេត្តវិញ
សម្ដេចធិបតីលើកឡើងក្នុងពិធីប្រកាសអនុវត្តន៍កម្មវិធីពិសេសជំរុញការវិនិយោគខេត្តព្រះសីហនុថ្ងៃព្រហស្បតិ៍ ទី៣១ ខែមករា ឆ្នាំ២០២៤នេះ នៅខេត្តព្រះសីហនុថា៖ «ក្លឹបឯកជនតែបើកមានសិទ្ធិទិញកាំភ្លើងទិញគ្រាប់។ ទិញទៅណាហើយមកពីណា? ចឹងមិនបាច់ទេ! សូមទៅដើរលេងតាមកោះវិញ»។
ក្រៅពីនេះសម្ដេចក៏បញ្ជាឲ្យឈប់ឲ្យចេញអាជ្ញាប័ណ្ណកន្លែងបាញ់កាំភ្លើងឯកជនបន្ថែមទៀតនៅទូទាំងប្រទេស ខណៈអាជ្ញាធរនឹងចុះត្រួតពិនិត្យធ្វើបច្ចុប្បន្នភាពទីតាំងដែលបានបើករួចហើយផងដែរ៕